خلاص كرهت منك

موضوع: خلاص كرهت منك الخميس سبتمبر 13, 2012 2:43 pm

كيفاش بغيتيني نديك
وانت من ضرك كذبتي عليا

ديما تقولي نبغيك
دايرتني في البال من ذوك النوايا

يا غلطانة ربي يهديك
ايلا عندك عقل فكري شوية

اسمعي لكلامي راني نفكر فيك
طفي الضو اشعلي الشمعة ديري مزية

انا في الاول درت النية فيك
لكن يا خسارة انت مكيش تاع نية

انت خداعة باين في عينيك
الحمد لله اللي ربي سلكني من العمية

بكيتيني ومن حقي ضرك نبكيك
نهبللك في عقللك كي تسمعي شعري حكاية

اتكويت ومن حقي نكويك
اللي جرحني حتى انا نجرحو معايا

هاك في الهم والعذاب نخليك
تبقاي عايشة في الدنيا شفاية

كيفاش بغيتيني نديك
وانت بلخف كذبتي عليا

انا في الاول يوم عرفتك
كشفتلك على وجهي شفتيه

عطيتللك عقلية فهمتك
وريتللك الراجل كيفاش تكسبيه

قتللك غير بالحنانة يركعلك
ماتكونيش قاسية ايلا تخسريه

وقد ماحبيتيه يحبك
ازرعيلو الورد بدموعو يسقيه

ماتخليلوش الفرصة يخافك
كوني مراة حنينة لا تجرحيه

هو طير وقادر يهربللك
وايلا علا في الرياح ماتحكميه

حتى لكان تجيبيه بسحورك
واش من فايدة عندك كي تسحريه

بحال عقون يرجع بقفصك
مجروح والباب مبلع عليه

محطم وتترجاي فيه يغنيلك
مايقدرش يغني والدمعة في عينيه

هدا الطير ايلا بغيتي يغردلك
يزهيك يبغيك بلا ماتسجنيه

ناديه بالنية يحط فوق يدك
وكوني حنينة بعطفك تملكيه

ماتعلميهش يخاف منك
افتحيلو قلبك وحدو يدخل فيه

هاد الطير كان والف عطفك
حتى طير في الدنيا مايغويه

يومها مايصبرش على فراقك
يبقى معاك حتى تجي الموت وتديه

عييت نفهم فيك ونهدرلك
ياخسارة كلامي ماقدرتيش تفهميه

انت كانت غير حاجة في باللك
وقتاش الخاتم في يدك تديريه

لكان عقلتي على واش وصيتك
مانلحقوش للي رانا فيه

لكان حنيتي عليا بقلبك
بالموت وحبك مانسمح فيه

لكان حبيتيتني نحبك
غرامك معايا القبر ينديه

لكن انا خلاص كرهت منك
اللي كان في يدك ضيعتيه

ماتبكليش بكيت قبللك
واللي في قلبي ربي عالم بيه

لكان جات صادقة دموعك
دمعة وحدة من عينك قلبي تكويه

» ملي محبوبة قلبي راحت كرهت الدنيا بلي فيها

صفحة 1 من اصل 1