السلام عليكم و رحمه الله و بركاته
قصيدهه متزعليش
متزعليش لو جم قالوك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا في ألم ولا في إشتياق
حجاش قصيدة كتبها فيكي هي دي اللي طلعتي بيها
أما هو خلاص نسيكي عادته ولا هيشتريها
وإحنا قلنالك زمان مبتسمعيش ... فمتزعليش !!
ثم هو مكانش نقوه
كان بيتأخر عليكي بالساعات
وكان مفلس وشكله يعني مكانش هو
كل أصحابك عابوه
أهو غار في داهية وبكرة يركع تحت رجلك سيد أبوه !!
بس يمكن كان حنين حبتين
هما بس حبتين
كان بردو بيسخف عليكي
كنتي فين ورايحة فين وجاية فين
بس كان بيبان عليه
لما إسمك ييجي في الكلام تلمع عنيه
بس بردو كان ثقيل
مكانش بيقدر ظروفك
كام مرة قلتي مستحيل
ويصر بردو إنه يشوفك !
ومتزعليش من قساوة الدنيا وعنادها العجيب
أنا كنت فاكر نفسي أقوى من النصيب
وكنت بتريق على اللي مكملوش
مين كان يقول إن النهاية تكون فشوش
أنا لسه فاكر وقفتك وسط البنات
فاكر هدومك وإبتسامتك والكلام حتى السكات
إذا كان فراقنا صحى فيكي كام وجع ، أنا كل ليلة بدبح بالذكريات !
أنا عندي ركن بحط فيه كل الحاجات
كل القصايد والألم .. كل البنات
جيت أركنك جواه رفض .. مكفاكيش
فمتزعليش ، وإن جم قالولك إنه مش باين عليه أثر الفراق
متصدقيش !!
أنا لما سبتك كل الحاجات إتغيرت
ريحة الشوارع والدكاكين القديمة والبيوت
كإني ببدأ من جديد رحلة حياتي أو بموت
حسيت إني نهيت حياتي خنقتها
أنا كنت متخانق معاكي وقتها
مكنتش أقصد أقولك إمشي مترجعيش
بس إنتي كنتي صغيرة مفهمتنيش !!
الطبع غلاب وإنتي عارفة وكنتي لازم تعذريني
معرفتش أترجاكي وإنتي بتدبحيني
ربونا ع الهيبة وع الحب بقيامة
وإن لما البت تتقل يوم عليك ... بالسلامة !!
صدقيهم لو قالولك إني عصبي أو فلاتي
وإني بعرف ألف واحدة وإن قلبي بيغير يوماتي
صدقيهم لو قالولك أي كدبة عن حياتي
بس إوعي تصدقيهم لو قالولك إنه كان كداب معاكي محبكيش
وإن جم قالولك إنه مش باين عليه أثر الفراق ... متصدقيش !!
مواضيع لم
تغذية
rss
أفضل
20عضو
أفضل
اعضاء اليوم
جديد
المواضيع
أدخل
هنا
قانون
المنتدى
قائمة
أصـدقائي
من طرف 
