(بسألكہ كـم سـؤال)

(بسألكہ كـم سـؤال)

جاني واحد ..!! قال :أبسألك كم سؤال ..؟؟

جاني واحد قال : بسأل كم سؤال

وقبل يسأل قلت : أنا ماني خبير !

قال: جاوبيني بس , يابنت الحلال

وكل كلمه حِطَّيهَا .. فبيتٍ صغير

قال نبدي :وشو تعريف المُحال..؟

قلت :

خَل الكلمه

فـ الشطر الأخير ..!

القهر : إن شفت دمعات الرجال

والوطن : (إنسان) .. مِتغيِّر كثير

والطفل : لعبه على شاطي الرمال

والأمل : إحساس في عين الضرير

الوفا : [قلبين] .. يجمَعهُم حلال

والرَجُل : اللي على أهله يغير

والرجا : لا قلت للاخر تعال

والفشل : مدري ولكنه مرير

الشعر : في وقتنا .. بدر وطلال

وكان أوَّل : حيل يعجبني جرير ..!

والغلا : إحساس إلى حَد[ الخيال]

والعِشِق : لا شفت مَعشُوقِك تطير

والجفا : إعكس مفاهيم / [الوصال ]

والوَصِل : يعني تأكَّد فيك خير

والعقل : تِسْفَه أقاويل الجهال

والجهل : إن قلت عن نفسك كبير

والخطر : لا صار ما عندك مجال

والبلا : إن صرت معدوم الضمير

والعجب : لا صرت تسأل منهو قال

والتعب : إن كنت تِبْحَثْ عن مصير

الغنى : بالنفس ما هو راس مال

والفقر : من كان .. بأعماله فقير

يكفي يكفي .. أسئله إنهي الجدال

ويلا .. علمني عَن السِّر الخطير

ما أبي تضرب لي في غيرك مثال

قول : عنِّك وإعتبر سِرِّك في بير

جات طعنه مِن جنوبك والشمال

يعني وضعِك بين مِن حُولك خطير

في [ بلاد الحلم].. ممنوع العقال

والمصيبه الشعب ما أختار الأمير

وما ألومك .. كان شدِّيت الرحال

دام بيتك جرح / وفراشك حصير

هذا تعريفي إلى كلمة : مُحَال

شي ودِّك فيه .. ولا يمكن يصير..!!

صفحة 1 من اصل 1